Brabham Racing Organisation

Brabham Racing Organisation
Situación
Estáu	Reinu Xuníu
Datos
Tipu	Formula One team (en)
Fundáu en	1960
Fundador	Jack Brabham

Brabham Racing Organisation, más conocíu cenciellamente como Brabham, foi un fabricante británicu de coches de carrera y equipu de Fórmula 1. Formalmente yera parte de la Motor Racing Developments Ltd. Fundáu en 1960 por dos australianos, el pilotu Jack Brabham y el diseñador Ron Tauranac, l'equipu ganó cuatro campeonatos mundiales de pilotos y dos de constructores nos sos trenta años d'historia na Fórmula 1. Hasta la fecha, el campeonatu de pilotos que llogró Jack Brabham en 1966 sigue siendo la única victoria pa un coche que lleva'l nome del so pilotu.

Motor Racing Developments Ltd. yera'l fabricante más grande del mundu de monoplaces a pidíu na década de 1960, y pa 1970 había construyíu más de 500 coches. Mientres esti periodu, equipos usando coches marca Brabham ganaron campeonatos en Fórmula 2 y Fórmula 3 y compitieron nes 500 milles d'Indianapolis. Nes décades de 1970 y 1980, Brabham introdució innovaciones como'l revesosu pero esitosu 'coche ventilador', el reabastecimiento de combustible mientres la carrera, frenos de carbonu y la suspensión hidroneumática. L'equipu ganó dos campeonatos Fórmula 1 de pilotos na década de 1980 col brasilanu Nelson Piquet, y convirtióse nel primeru en ganar un campeonatu de pilotos con un coche turboalimentado.

L'empresariu británicu Bernie Ecclestone foi propietariu de Brabham mientres la mayor parte de les décades de 1970 y 1980, y depués convirtióse nel responsable d'alministrar los aspeutos comerciales de la Fórmula 1. Ecclestone vendió l'equipu en 1988. El so últimu dueñu foi'l Middlebridge Group, una empresa de motores xaponesa. A mediaos de la temporada 1992, l'equipu colapsó financieramente al nun poder Middlebridge pagar los préstamos daos por Landhurst Leasing. El casu foi investigáu pola oficina de fraudes mayores del Reinu Xuníu.